Ўтган мавсум кашфиёти Асадбек Собиржонов бу йил ким кашфиёт бўлиши мумкинлиги ҳақида гапирди
12 май 10:28
Янгиликлар
Ўтган мавсум кашфиёти Асадбек Собиржонов бу йил ким кашфиёт бўлиши мумкинлиги ҳақида гапирди
Ўзининг иқтидорини ва маҳоратини намоён қилган ярим ҳимоячи 2020 йил бошида “Пахтакор”га қайтиб, янги мавсумга жамоа билан бирга тайёргарлик кўрди. Асосий таркиб учун курашаётган ўйинчи бу борада фикрлари билан ўртоқлашди.
“2019 йилда ижара шартномаси асосида “Бухоро”да ўйнаб қайтдим. У ерда яхши ва мазмунли мавсумни ўтказдим дея оламан. Олимпия терма жамоасига чақирилдим, мухлислар эътиборига тушдим. Натижада “Пахтакор”га қайтдим. Бу йил ҳам ижарада тўп тепмоқчи эдим. Лекин, мураббийлар жамоада қолишимни ва менга имконият беришларини айтишди. Клубда рақобат кучли. Рақобат бор жойда ўсиш бўлади.
Бухорода икки нафар мураббий билан ишлашга улгурдим. Биринчи даврада Бахтиёр ака Ашурматов жамоани шакллантиришга ҳаракат қилдилар. Менимча, қўл остиларида ёмон таркиб жамланмаганди. Омадми ёки тажрибами бизга етишмади деб ўйлайман. Кўп ўйинларда кичик ҳисобда енгилдик. Муҳсин Муҳаммадиев легионерлар ҳисобига жамоани кучайтирди. Ушбу мураббий жамоани Суперлигада олиб қолишни уддасидан чиқди. Бу икки мутахассисдан кўп нарса ўргандим. Умуман олганда катта футболга айнан шу ерда қадам қўйдим. Ижарада ўйнаш фақат менинг фойдамга ишлади дейишим мумкин. Бир йил ичида анча ўсишга эришдим.
Янги мавсумга “Пахтакор” билан юқори даражада ҳозирлик кўрдик. Абу-Даби шаҳрида икки ҳафта давомида йиғинни олиб бордик. Бу жамоада ажойиб мураббийлар штаби йиғилган. Машғулотлар жараёни умуман бошқача. Шота Арвеладзе футболчилардан максимал даражада ишлашни талаб қилади.
Карантинда ҳамма қатори оилам даврасидаман. Зериккан пайтларимда турли жанрдаги кинолар кўряпман, китоб мутолааси билан банд бўлмоқдаман. Мураббийлар билан деярли ҳар куни алоқадамиз. Машғулотлар барчаси дастурга амал қилинган ҳолда онлайн тарзда олиб борилмоқда. Ҳаммаси яна ўз изига тушишига оз қолди. Фақат, яна озгина сабр қилсак бўлгани.
Фикримча, ушбу мавсумда АГМК клуби шарафини ҳимоя қилаётган Ҳожимат Эркинов кашфиёт бўлиши мумкин”,- дейди Собиржонов.
Ўхшаш янгиликлар
championat.asia
Месси ЕЧЛ финаллари тарихидаги энг яхши футболчига айланди, Роналду эса...
Винисиус - "Сити"га қарши ўйин ҳақида: "Биринчи ўйин жуда ёмон якунланди, бироқ биз "Реал"миз"
Флик: “Алаба “Айнтрахт”га қарши бор маҳоратини намойиш этди”
Чемпионлар Лигаси тарихидаги 23 ёшгача бўлган энг кучли форвардлар (Топ-10)
Фикрлар
У собиқ устози ҳақида гапирди.
Беларуснинг "Энергетик-БГУ" клуби ҳужумчиси Жасур Яхшибоев маҳаллий ОАВга интервью берди. У ушбу суҳбат давомида Арвеладзе билан келишмовчилик боис "Пахтакор"га қайтмоқчи эмаслигини таъкидлади.
"Европага кетишни истайман. Қолаверса, "Пахтакор" бош мураббийи Шота Арвеладзе билан ўртамизда тушунмовчилик бор. У мени захирага олганда, у билан саломлашмаганман. Барчаси шундан бошланган. Шундан сўнг захира ўриндиғида қола бошладим. Майдонга тушсам ҳам сўнгги 10-15 дақиқага тушдим. Бу вақт оралиғида нимага улгуриш мумкин? Шу тариқа, тўпни ҳис қилишни, ўйин темпини, спорт формамни йўқотдим. Тўпни қабул қилиб олганимда, уни нима қилиш керак эканлигини эслай олмадим. Яхши ўйнай бошласам ҳам келгуси учрашувда захирада қолавердим. Бу катта тушкунликка олиб келади.
Ҳозир "Энергетик-БГУ"да барчаси бошқача. Мураббийлар менга ишонч билдирмоқда. Ўзимни жамоага керакли ва фойдали, деб ҳис қила бошладим. Уларнинг ишончини оқлашга ҳаракат қиляпман", - деди Яхшибоев.
Маълумот учун, ҳамюртимиз Беларусь чемпионатида 8 баҳсда майдонга тушди ва 6 та гол киритиб, 1 та голли узатмани амалга оширди
Бу тарихий мавсум бўлган.
1968 йил "Пахтакор"нинг Европа Кубок эгалари Кубогида иштирок этишига бир қадамгина етмай қолган.
Евгений Елисеев қўл остида ўйнаган "шерлар" кубок баҳсларини жуда яхши ўтказган. Дастлабки босқичда Батумида "Динамо" билан тўқнаш келган "Пахтакор" мезбонларни 2:0 ҳисобида доғда қолдирди. Геннадий Красницкийнинг икки голи ғалабани таъминлайди. Нимчорак финални "Пахтакор" Тошкентда ўтказди. "Сокол" дарвозаси олдида бутун ўйин ҳужум уюштириб, Жиленконинг ягона голи эвазига ғалаба қозонилди.
Олдинда эса "Заря"га қарши сафардаги чорак финал беллашуви кутарди. Муросасиз кечган ўйинда мезбонлардан Пинчукнинг голига "Пахтакор"дан Биродар Абдураимов ва Тўлаган Исоқов жавоб беради. Ярим финал мухлислар билан тўлган "Пахтакор" стадионида бўлиб ўтган. Донецкнинг "Шахтёр" жамоаси билан тўқнашувда ажойиб футбол кўрсатган тошкентликлар Биродар Абдураимовнинг дубли ва Баҳодир Иброҳимовнинг голи ёрдамида кучли рақиб устидан 3:1 ҳисобида зафар қучган. Финал 8 ноябрь куни Москвадаги Ленин номли стадионда Москванинг "Торпедо" клубига қарши бўлиб ўтган. Кескин кечган беллашув тақдирини биргина гол ҳал қилган. Афсонавий Стрельцовнинг узатмасидан сўнг Савченко тўпни дарвозага йўллаб, москваликларга ютуқ келтиради. Шу тариқа "Пахтакор" финалда имкониятни бой беради.
1/16 финал
"Динамо" Батуми - "Пахтакор" 0:2
Голлар: Красницкий 2та.
Нимчорак финал
"Пахтакор" - "Сокол" 1:0
Гол: Жиленко 73.
Чорак финал
"Заря" - "Пахтакор" 1:2
Голлар: Пинчук - Абдураимов, Исоқов.
Ярим финал
"Пахтакор" - "Шахтёр" Донецк 3:1
Голлар: Абдураимов 2та, Иброҳимов - Губич.
Финал
"Торпедо" Москва - "Пахтакор" 1:0
Гол: Савченко 52.
"Пахтакор": Любарцев, Доценко, Штерн, Науменко, Иноятов, Раҳматуллаев, Варюхин, Бектошев (Исоқов, 74), Абдураимов, Красницкий, Иброҳимов