Остон Ўрунов бугун "Спартак"да дебют қиладими? Превью
09 авг 2020 11:46
Янгиликлар

Остон Ўрунов бугун "Спартак"да дебют қиладими? Превью

Бугун Россия премьер-лигаси 1-тури давом эттирилади.

Москванинг "Спартак" клуби ўз майдонида "Сочи"ни қабул қилади.

Яқиндагина "Спартак"ка кўчиб ўтган ҳужумчи Александр Кокорин олдинги мавсум айнан "Сочи" сафида ўйнаганди.

Якунланган мавсум Доменико Тедеско бошчилигидаги москваликлар чемпионатни 7-ўринда тугатишди. Бу "Спартак" учун жуда ҳам ёмон натижа ҳисобланади. "Сочи" эса ўтган мавсум охирида коронавирус туфайли ўйинларда иштирок эта олмади ва техник мағлубиятлар қабул қилди. Бироқ лигада қолиш вазифаси уддалаб бўлинган эди.

Қизиғи олдинги мавсумда ҳам 1-турда "Спартак" ўз майдонида "Сочи"ни қабул қилган ва 1:0 ҳисобида зафар қучганди. Сочида ўтган учрашувда эса мезбонлар шу ҳисобида ғалаба қозонишганди.

Ўзбекистонлик футбол мухлислари "Спартак" сафида ҳамюртимиз Остон Ўруновнинг дебют қилишини кутишмоқда. Бироқ рус футбол сайтлари тахминий таркибларда Ўруновни қайд этишмаган.

"Спартак" - "Сочи"
9 август. Москва. "Откритие Арена" стадиони. 22:00.
Бош ҳакам - Василий Казарцев (Санкт-Петербург).
Трансляция - "Матч-ТВ".

ТАХМИНИЙ ТАРКИБЛАР:

"Спартак": 5-3-2: Максименко - Рассказов, Маслов, Жиго, Жикия, Лукас - Крал, Зобнин, Бакаев - Кокорин, Соболев.

"Сочи": 5-2-3: Жанаев - Заика, Миладинович, Мевля, Новосельцев, Набиуллин - Нобоа, Цаллагов - Бурмистров, Заболотний, Полоз.