Осиё хабари. Заккерони ўрнига Хавьер Агирре
29 июл 2014 13:08
Янгиликлар

Осиё хабари. Заккерони ўрнига Хавьер Агирре

Япония миллий терма жамоасини янги мураббий бошқаради.

Шу пайтгача терма жамоада ишлаб келган Альберто Заккерони ўрнини бундан кейин мексикалик Хавьер Агирре эгаллайдиган бўлди. Янги бош мураббий олдига қўйилган дастлабки вазифа аниқ: келаси йил Австралияда бўлиб ўтадиган Осиё Кубогида амалдаги чемпионликни муносиб ҳимоя қилиш.

Альберто Заккеронининг ишдан бўшашига асосий сабаб терма жамоанинг ЖЧ-2014да бирорта ҳам ғалаба қозона олмагани бўлди. Янги мураббий ҳам машҳурлик бобида италиялик мутахассисдан кам эмас. 55 ёшли Хавьер Агирре 2002 ва 2010 йилги ЖЧда Мексика термасини бошқарган.

Японлар сентябрь ойи бошларида Уругвай ва Венесуэлага қарши ўртоқлик учрашуви ўтказишади. Бу ўйинларга жамоани янги мураббий тайёрлайди. Агирре август ўрталарида Японияга келади ва шартномага имзо чекади.

Ҳавола :

Манба : championat.asia

Янгиликларни Телеграмда ўқинг!

Рейтинг: