Осиё хабари. Шайх Салмон Блаттерни қўллаб-қувватлайди

Мазкур нутқ давомида қитъамиз футболи раҳбари бешинча марта ФИФА президентлигига ўз номзодини қўядиган Йозеф Блаттерни қўллаб-қувватлашини билдирди.

"Шуни айтишим мумкин, бутун ОФК ФИФА раҳбарлиги учун Блаттерни қўллашга тайёр. Агар осиёлик мутахассис ўз номзодини илгари сурадиган бўлса, бу борада бошқача тасаввурга боришимиз мумкин, лекин ҳозирда Блаттер яхши ишлаяпти".

Ўз номзодини қўйиши кутилаётган Шаҳзода Али ҳам бугунги семинарда иштирок этди, бироқ у матбот ходимларига интервью бермасдан, тезда зални тарк этди. Яна шуни айтиш керак, ҳозирда Шайх Салмон билан Шаҳзода Алининг ўзаро муносабатлари яхши эмас. Қолаверса, Шаҳзода Алига айни пайтдаги ОФК президентининг "жанг"да ютиб чиққани сира ёқмаяпти.