Осиё кубоги ва ЖЧ саралашларининг биринчи босқичи битта бўлади
25 янв 2014 23:22
Янгиликлар

Осиё кубоги ва ЖЧ саралашларининг биринчи босқичи битта бўлади

Бугун Уммон пойтахти Мускат шаҳрида ОФК мусобақаларни ўтказиш қўмитаси йиғилиши бўлиб ўтди. Унда бир қатор масалалар кўриб чиқилди.

Энг асосий янгилик бу Осиё кубоги ва Жаҳон чемпионати саралашларининг биринчи босқичи бирлаштирилиши бўлди. Деб хабар бермоқда ОФК расмий сайти.

Энди 2019 йилдан Осиё кубогида ҳозиргидек 16та эмас 24та жамоа иштирок этади.

Жаҳон чемпионати ва Осиё кубоги саралашларининг биринчи босқичлари битта бўлади. Бу босқичда ОФКнинг барча аъзо мамлакатлари 8та гуруҳга бўлинади. Ушбу гуруҳ ғолиблари ва энг яхши кўрсаткичга иккинчи ўринни олган тўртта жамоа (жами 12та жамоа) Жаҳон чемпионати саралаши финал босқичига чиқади.

8та гуруҳда қолган иккинчи ўринни банд этган тўртта жамоа ҳамда учинчи ўринни эгаллаган 8та жамоа эса юқоридаги 12та жамоага қўшилиб Осиё кубоги финал босқичига йўлланма олишади. Осиё кубогида ҳар бирида тўрттадан жамоа бўлган олтита гуруҳ пайдо бўлади. ЖЧ саралаши финал босқичи ва Осиё кубоги мусобақалари алоҳида бўлиб ўтади.

Ҳавола :

Манба : championat.asia

Янгиликларни Телеграмда ўқинг!

Рейтинг: