Осиё Кубоги-2015. Қувайт мураббийи: "Биз Австралияга қарши тайёрмиз"

Бугун иккала жамоа бош мураббийлари иштирокида анъанавий матбуот анжумани бўлиб ўтди. Бунда Қувайт термаси бош мураббийи Набил Маълул қуйидаги фикрларни билдирди:

- Мен жамоани атиги уч ҳафта олдин қабул қилиб олдим, шунга қарамай, шогирдларимнинг ҳаммасини биламан. Албатта, бизда тайёргарлик жараёни ниҳоятда кам бўлди, аммо шу қисқа вақт ичида шогирдларим билан тезда тил топишиб кета олдим. Ўйлайманки, Австралияга қарши тайёрмиз.

- Кўрфаз кубоги баҳслари биз учун яхши ўтмади, шу боис энди Осиё чемпионатида ўзимизни кўрсатишга ҳаракат қиламиз. Қувайт термаси тўрт йил олдинги мусобақада гуруҳдаги учала ўйинни ҳам бой берганди, лекин бу сафар бундай бўлмайди деб умид қиламан. Дастлабки баҳс олдидан футболчиларимизда ҳаяжон бор, лекин бу узоқ давом этмаслиги керак. Айрим сабабларга кўра, Фаҳад Ал Эназини таркибга жалб қилмадик, энди унинг ўрнида бошқаларни синаб кўрамиз.