Осимхен Саудияга боришни хоҳламади, у ПСЖга ўтмоқчи
17 июл 2024 13:50
Янгиликлар
Осимхен Саудияга боришни хоҳламади, у ПСЖга ўтмоқчи
Италиялик машҳур журналист ва инсайдер Никола Скиранинг ёзишича, "Наполи" ҳужумчиси Виктор Осимхеннинг ПСЖга ўтиши ҳақидаги миш-мишлар ўз-ўзидан пайдо бўлмаган.
Нигериялик форвард Франция чемпиони билан йилига 14 млн евролик маошни ўз ичига олган 5 йиллик шартнома борасида келишувга эришиб бўлган. Олдинроқ, айнан шундай муддатга, фақат йиллик 7 млн еврога мўлжалланган шартнома "Наполи" вингери Хвича Кварацхелияга ҳам парижликлар томонидан таклиф этилган эди.
Бундан ташқари, 25 ёшли ҳужумчи номи ошкор қилинмаган Саудия Арабистони клубига ўтишни рад этган. Ваҳоланки, Саудия клуби футболчининг ўзига ҳам парижликлардан кўпроқ маош бермоқчи бўлган, "Наполи"га ҳам трансфер учун каттароқ сумма таклиф қилган.
Неаполликлар Осимхенни сотишга қарши эмас, лекин Хвичани таркибда сақлаб қолишмоқчи. Чунки, жамоанинг янги устози Антонио Конте бўлажак мавсумда Кварацхелияга умид қилмоқда.

Ўхшаш янгиликлар
championat.asia
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
Арда Гюлер: "Алонсо дарвозада турасан деса, қўлқоп сотиб оламан"
Суперлига. "Пахтакор" финал олдидан меҳмонда "Хоразм"ни енгди, икки жамоа ўйинни 10 киши тугатди
Суперлига. "Қизилқум" ўз майдонида "Динамо" устидан ишончли ғалабага эришди
Фикрлар