"Олмалиқ" - "Насаф" учрашувидан олдин футзалчилар тақдирланди
13 мар 2016 12:00
Янгиликлар

"Олмалиқ" - "Насаф" учрашувидан олдин футзалчилар тақдирланди

Куни кеча Олмалиқ шаҳридаги ОКМК стадионида янги мавсумнинг очилиши бўлиб ўтди.

Февраль ойида Тошкентда ўтган футзал бўйича Осиё чемпионатида қатнашиб финалга қадар етиб борган Ўзбекистон терма жамоасининг бир қатор аъзолари "Олмалиқ" - "Насаф" ўйинидан аввал тақдирланишди. Футзал бўйича "Олмалиқ" клуби аъзолари Рустам Умаров, Андрей Шлёма, Жамолиддин Шарипов, Константин Свиридов, Клим Тюгаев ва Жавлон Аноровга эсдалик учун совғалар тақдим этилди. Бундан ташқари футзал бўйича "Олмалиқ" клуби бош мураббийи Александр Петров ҳам тақдирланди.

Эслатиб ўтамиз, футзал бўйича Ўзбекистон терма жамоаси ўз тарихида илк бор Жаҳон чемпионатига йўлланма олди. Мундиал сентябрь ойида Колумбияда бўлиб ўтади.

Фото: "Олмалиқ" матбуот хизмати