"Олмалиқ" машғулотларида россиялик легионер қатнашмоқда

Жамоа машғулотларида бир қатор футболчилар кўрикдан ўтишмоқда. Олмалиқлик мухлисларга яхши таниш ярим ҳимоячи Достон Абдураҳмонов ("Қизилқум", Навоий), дарвозабон Роман Абдулов ("Шўртан", Ғузор) яна жамоамиз шарафини ҳимоя этиши мумкин. Бундан ташқари ҳимоячилар Артём Филипосян ("Динамо", Самарқанд), Азамат Абдуллаев ("Зомин"), Аббос Пўлатов ("НБУ-Осиё", Тошкент), Евгений Кочнев ("Бухоро"), Роберт Жилин (Россия), ярим ҳимоячилар Мурод Ражабов ("Шўртан", Ғузор), Достон Тошматов ("Зомин"), Дониёр Иномов ("Навбаҳор", Наманган), Фаррух Ахунов, ҳужумчи Рўзимбой Аҳмедов ("Нефтчи", Фарғона)лар дастлабки йиғинга чақирилган. Машғулотлар кунига икки маҳалдан ОКМК спорт мажмуаси сунъий қопламали майдонида олиб борилмоқда.

Режага кўра биринчи йиғин 28 декабрда амалдаги чемпион "Пахтакор" жамоаси билан назорат ўйини ўтказиш орқали якунланади.