"Олмалиқ": Иккилар ҳақида
13 мар 2016 08:44
Янгиликлар
Ўйиндан аввал, сизларга бу баҳс бош ҳаками "Олмалиқ" иштирокида 22-ўйинни бошқаришини ва ўзининг 222-ўйинини ўтказишини ёзгандик. Рақамлар ўхшашлиги бу турда жамоамиз фаолиятида ҳам қайд этилди. "Олмалиқ" "Насаф"га қарши ўйинда олий лигадаги 222-учрашувини ўтказди.
Жамоа ўз тарихида иккинчи марта мавсумни кетма-кет икки мағлубият билан бошлади. Биринчиси 2010 йилда кузатилганди. Ўшанда жамоамиз сафарда "Андижон"га 2:3 ва "Нефтчи"га 0:3 ҳисобида мағлуб бўлган. Қаршиликлар билан ўйинга қадар жамоамизнинг ўз майдонидаги мағлубиятлари 22та эди. Иккинчи марта "Насаф" Олмалиқда икки тўп фарқи билан зафар қучди. Худди шунингдек, Владислав Цейтлин бош ҳакамлигида жамоамиз иккинчи марта ўз майдонида мағлуб бўлди. Дарвоқе, Цейтлин бошқарган ўйинларда "Насаф"нинг мағлубиятсиз серияси давом этади. Насафчилар охирги марта 2013 йил 8 мартда "Бунёдкор"га йирик ҳисобда мағлуб бўлишган. Олмалиқдаги ўйинни ҳисобга олганда "Насаф" 9-ўйинда ижобий натижага эришди. 9 ўйиндан 8таси ғалаба ва яна биттаси дурангдан иборат.
Ўхшаш янгиликлар
![AMP Logo](https://championat.asia/image/logo-amp.png)
Фикрлар