Олий лига-2017. "Насаф"да 24, "Обод"да 38, "Нефтчи"да 41

Бугун клублар сафида бир йил давомида неча нафар футболчи майдонга тушганига эътибор қаратамиз.

Рўзиқул Бердиев 2017 йилда олий лигада 24 нафар футболчининг хизматларидан фойдаланиб кумуш медални қўлга киритди. Чемпион "Локомотив" сафида 25 нафар футболчи майдонга тушди. Худди шунча футболчи "Машъал" таркибида кўриниш берди.

Мавсумни охирига етказа олмаган "Обод" клуби таркибида мураббийлар жами 38 нафар футболчини майдонга туширишди. Мавсум антирекорди эса Фарғонанинг "Нефтчи" клубига тегишли бўлди. Водий клуби сафида бир мавсум давомида оз эмас кўп эмас 41 нафар футболчи ўйнади.

Таққослаш учун, 2016 йили олий лигада "Нефтчи" сафида 27 нафар футболчи майдонга тушганди холос.

2017 йилги олий лигада клублар сафида қанча футболчи майдонга тушди?

"Насаф" - 24 нафар
"Локомотив" - 25
"Машъал" - 25
"Қўқон-1912" - 26
"Динамо" - 26
"Олмалиқ" - 27
"Металлург" - 28
"Навбаҳор" - 28
"Қизилқум" - 29
"Сўғдиёна" - 29
"Бунёдкор" - 29
"Пахтакор" - 31
"Бухоро" - 32
"Шўртан" - 32
"Обод" - 38
"Нефтчи" - 41