Бугун Андижоннинг "Андижон" клуби ҳақида маълумот берамиз.
Мавсум
"Бургутлар" 2015 йилги мавсумни кетма-кет 3та мағлубият билан бошлашди. Фақат бешинчи турга келибгина жамоа ғалабага эришди. Биринчи даврада 3та ғалаба ва 2та дуранг қайд этган "Андижон" 11 очко билан ёзги танаффусга 14-поғонада чиқиб кетди. Иккинчи даврада жамоа Фарғонада "Нефтчи"ни мағлуб эта олди. Ўз майдонида "Динамо" билан дурангга эришган "бургутлар" олий лигада қолиш вазифасини уддалашди. Якунда водий клуби олий лигада 13-ўринни эгаллади.
Мураббийлар
Мавсум давомида "Андижон"ни икки мураббий бошқариб борди. Дастлабки 20та ўйинда жамоа билан Эдгар Гесс ишлаган бўлса, охирги 10та учрашувда Сергей Ковшов бош мураббий бўлди. Гесс 20-турда "Бухоро" билан ўйиндаги мағлубиятдан сўнг истеъфога чиқарилди. Ўша пайтда "бургутлар" 15-ўринда боришаётганди. Сергей Ковшов келгач жамоа 10та ўйинда 4та ғалаба 2та дуранг қайд этди. Қизиғи Гесс давридаги 20та учрашувда ҳам 4та ғалаба ва 2та дуранг қайд этганди.
Етакчи
Иброҳим Отахонов. Тажрибали ярим ҳимоячи мавсум давомида жамоанинг ҳақиқий етакчиси бўлди. 24та ўйинда майдонга тушган Отахонов рақиблар дарвозасига 3та тўп киритишнинг уддасидан чиқди. Футболчи ўйинга жуда ҳам берилиб кетиши билан ажралиб туради. Шу боис мавсум давомида у 11та сариқ карточка олди.
Кашфиётлар
Жавлон Гусейнов. Бир неча йил олдин "Нефтчи"да ўйнаган, сўнгги йилларда биринчи лига клубларида фаолият олиб борган Жавлон Гусейнов олий лигада иккинчи ёшлигини ўтказди. Жамоага 2-тур олдидан келиб қўшилган Гусейнов 29та ўйинда майдонга тушди. Айнан у "Андижон" сафида энг кўп учрашув ўтказган футболчига айланди.
Энг яхши ўйин
"Нефтчи" - "Андижон" 0:1.
26-турда Фарғонада "Нефтчи" ва "Андижон" ўртасидаги водий дербиси бўлиб ўтди. Бу ўйинга қадар Фарғонада бу жамоалар ўртасида бўлиб ўтган 21та ўйиннинг 20тасида "Нефтчи" ғолиб бўлган, фақат бир марта "Андижон" сафардан дуранг билан қайтганди. 2015 йилда "бургутлар" тарихий ғалабани қўлга киритишди. "Нефтчи"нинг собиқ ҳужумчиси Анвар Бердиев томонидан урилган гол "Андижон"га ғалаба келтирди - 1:0.
Энг яхши футболчи
Анвар Бердиев. Фахрий ҳужумчи биринчи даврани "Бунёдкор"да ўтказди. Ёзда "Андижон"га кўчиб ўтиб ўзини ёрқин томонлама кўрсата олди. Ҳужумчи "бургутлар" таркибида 11та ўйинда майдонга тушиб 7та гол уришнинг уддасидан чиқди. "Сўғдиёна" билан баҳсда дублга эришган Бердиев жамоа тўпурарига айланди.
Ким қанча ўйнади?
| Футболчи | Амплуа | Туғ.сана | Ўйин | Дақиқа | Гол | СК | ҚК |
| Гусейнов Жавлон | Ҳим | 24.06.1991 | 29 | 2583 | 0 | 3 | 0 |
| Мошняга Геннадий | Дар | 25.04.1985 | 28 | 2520 | 0 | 1 | 0 |
| Турсунов Даврон | Ҳим | 28.02.1987 | 28 | 2475 | 1 | 7 | 0 |
| Абдуллаев Абдумалик | Ҳуж | 11.05.1989 | 28 | 1629 | 2 | 4 | 0 |
| Аъзамов Рустам Р. | Яҳм | 15.12.1985 | 26 | 1761 | 2 | 1 | 0 |
| Отахонов Иброҳим | Яҳм | 21.09.1985 | 24 | 2115 | 3 | 11 | 1 |
| Раҳмонов Асрор | Ҳим | 21.11.1988 | 20 | 1189 | 0 | 4 | 1 |
| Асқаралиев Санжар | Яҳм | 20.01.1981 | 19 | 1312 | 0 | 8 | 2 |
| Акрамов Иқбол | Яҳм | 10.10.1983 | 18 | 1043 | 1 | 2 | 0 |
| Жумабоев Шукур | Яҳм | 08.03.1989 | 18 | 789 | 1 | 3 | 0 |
| Раҳмонов Расул | Яҳм | 04.02.1987 | 16 | 1062 | 0 | 4 | 0 |
| Жадигеров Асқар | Яҳм | 05.01.1980 | 16 | 853 | 2 | 1 | 0 |
| Абдуқодиров Абдулатиф | Ҳуж | 09.08.1987 | 16 | 363 | 1 | 0 | 0 |
| Вуйович Предраг | Яҳм | 20.08.1983 | 15 | 1337 | 2 | 1 | 0 |
| Солиев Лочин | Ҳуж | 30.03.1983 | 15 | 615 | 2 | 1 | 0 |
| Васильев Темур* | Яҳм | 05.09.1987 | 14 | 1260 | 1 | 2 | 0 |
| Бобохонов Иқбол** | Ҳим | 19.03.1989 | 13 | 1170 | 1 | 7 | 0 |
| Алимов Абдуллоҳ** | Яҳм | 11.02.1993 | 13 | 964 | 0 | 1 | 0 |
| Бердиев Анвар** | Ҳуж | 11.05.1978 | 11 | 967 | 7 | 2 | 0 |
| Ҳусанов Турсунбой** | Ҳим | 17.02.1988 | 10 | 819 | 0 | 3 | 0 |
| Рамазонов Умрилло | Ҳим | 18.02.1992 | 10 | 710 | 0 | 3 | 0 |
| Шотурсунов Фаррух* | Ҳуж | 11.05.1992 | 9 | 629 | 0 | 1 | 0 |
| Қодиров Рахим | Ҳим | 25.04.1979 | 8 | 644 | 0 | 3 | 0 |
| Гаффаров Сайриддин* | Яҳм | 29.08.1990 | 7 | 344 | 0 | 0 | 0 |
| Бекмуродов Фарҳод | Яҳм | 08.10.1994 | 5 | 228 | 1 | 1 | 0 |
| Исабоев Элдор | Дар | 24.04.1989 | 2 | 180 | 0 | 0 | 0 |
| Мирзаев Фаррух | Яҳм | 12.02.1990 | 1 | 10 | 0 | 0 | 0 |
Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар
"Андижон-2015" мавсум статистикаси
| Ўйинлар | 30 |
| Голлар | 27 |
| Уйдаги голлар | 18 (66,67%) |
| Меҳмондаги голлар | 9 (33,33%) |
| Ўтказилган голлар | 56 |
| Уйда ўтказилган голлар | 24 (42,86%) |
| Меҳмонда ўтказилган голлар | 32 (57,14%) |
| Ўртача гол | 0,9 |
| Ўртача ўтказилган гол | 1,87 |
| Уйдаги очколар | 20/45 (44,44 %) |
| Меҳмондаги очколар | 8/45 (17,78 %) |
| Энг йирик ғалаба | 3:2 - "Навбаҳор", "Қизилқум", "Сўғдиёна" |
| Энг йирик мағлубият | 0:6 - "Пахтакор" |
| "Қуруқ" ўйинлар | 6 (20%) |
| Гол ура олмаган ўйинлар | 13 (43,33%) |
| Иродаги ғалаба | 1 |
| Йирик ғалабалар | 0 |
| Йирик мағлубиятлар | 4 |
| Автогол (урилган/ўтказилган) | 0/0 |
| Огоҳлантиришлар (ўртача) | 75 (2,5) |
| Четлатишлар (ўртача) | 4 (0,13) |
| Майдонга тушганлар (легионер) | 28 (2 - 7,14%) |
| Томошабинлар (жами/ўртача) | 173131/5771 |
Олий лига-2015 якунлари. "Пахтакор" ҳақида
Олий лига-2015 якунлари. "Локомотив" ҳақида
Олий лига-2015 якунлари. "Насаф" ҳақида
Олий лига-2015 якунлари. "Нефтчи" ҳақида
Олий лига-2015 якунлари. "Олмалиқ" ҳақида
Олий лига-2015 якунлари. "Машъал" ҳақида
Олий лига-2015 якунлари. "Навбаҳор" ҳақидаОлий лига-2015 якунлари. "Металлург" ҳақида
Олий лига-2015 якунлари. "Қизилқум" ҳақида
Олий лига-2015 якунлари. "Шўртан" ҳақида
Олий лига-2015 якунлари. "Қўқон-1912" ҳақида
