Олдриж: “Вернер “Ливерпуль” учун ажойиб трансфер бўларди”

“Ливерпул” трансфер сиёсатининг маэстроси Юрген Клопп ва жамоа спорт директори Майкл Эдвардс ёзги трансфер ойнаси вақтида қандай ўзгаришларни амалга ошириш ҳақида яхшигина ўйлаб олишлари зарур. Ҳа, “Ливерпуль” енгилмас жамоага айланди. Аммо бир жойда тўхтаб қолиш ярамайди.

Ким билади – Салаҳ ва Мане жароҳат олиши мумкин ёки уларга “Реал” ва “Барселона” қизиқиб қолиши мумкин. Ўйлашимча, “Ливерпуль” буни тушуниб турибди ва энг керакли позициялар учун муҳим футболчиларни кўриб чиқмоқда. Ловрен, Лаллана ва Шакири қандай кетаётганини кўриб турибман. Менимча, Клопп уларни ёш ва ғалабага чанқоқ, ўзининг тактик схемасига мос футболчиларга алмаштирмоқчи.

“РБ Лейцпиг” ҳужумчиси Тимо Вернер “Ливерпуль” ўйинига жудаям мос тушадиган футболчи. Қолаверса, айни пайтда ҳар қандай футболчи ушбу енгилмас жамоанинг тарихий бир бўлагига айланишни истайди”, дея Олдрижнинг сўзларидан иқтибос келтирмоқда Independent.ie