ОФК семинарининг иккинчи куни

Даставвал, маҳаллий вақт билан 9:00да Осиё Чемпионлар лигаси мусобақаси масъули Павел Лузанов тадбирни кириш қисмини очиб берди ва “Допинг назорати ва шифокор масалалари” юзасидан маъруза ўқиши учун доктор Гурчаран Синхни таклиф этди. Малайзиялик машҳур мутахассиснинг чиқиши кўпчиликда катта қизиқиш уйғотди. Гурчаран Синх Бразилияда ўтган 2014 йилги жаҳон чемпионатида аниқланган камчиликлар ва баҳсли вазиятлар юзасидан тайёрланган махсус роликни йиғилганларга намойиш этиб, ушбу ҳолатларни такрорламасликка чақирди.

Шундан сўнг “Матбуот хизмати масалалари” бўйича Четанг Кулкарни чиқиш қилди. Унинг маърузфаси ва намойиш этган ролиги ҳам клублар вакиллари учун фойдали бўлди. Йошими Огава эса “Ҳакамлар масалалари”га тўхталиб ўтди.