Oldinroq "Bunyodkor" uchrashuvni bir kun keyinga qoldirishni so'rab Iroq klubiga xat yo'llagan va ijobiy javob olgan edi. Faqat OFKning roziligini olish qolgandi xolos.
21 yanvarda Toshkentda OCHL saralashi doirasidagi "Lokomotiv" - "Istiqlol" (Tojikiston) o'yini bo'lib o'tadi. Muxlislarga qulaylik tug'dirish maqsadida "qaldirg'ochlar" "Al Zavra" bilan ertasi kuni o'yin o'tkazishni rejalashtirishgan edi.
OFK rasmiy sayti the-afc.com'da "Bunyodkor" - "Al Zavra" bahsi 22 yanvar kuni "Jar" stadionida bo'lib o'tishi yozilgan. Uchrashuv soat 14:00ga belgilangan.
