ОФК расмий сайти: "Бунёдкор" - "Ал Завра" учрашуви 22 январда бўлади
13 янв 2020 13:02
Янгиликлар

ОФК расмий сайти: "Бунёдкор" - "Ал Завра" учрашуви 22 январда бўлади

Хабарингиз бор, ОЧЛ-2020 саралаши доирасида Ўзбекистоннинг "Бунёдкор" клуби Ироқнинг "Ал Завра" клуби билан ўйнайди.

Олдинроқ "Бунёдкор" учрашувни бир кун кейинга қолдиришни сўраб Ироқ клубига хат йўллаган ва ижобий жавоб олган эди. Фақат ОФКнинг розилигини олиш қолганди холос.

21 январда Тошкентда ОЧЛ саралаши доирасидаги "Локомотив" - "Истиқлол" (Тожикистон) ўйини бўлиб ўтади. Мухлисларга қулайлик туғдириш мақсадида "қалдирғочлар" "Ал Завра" билан эртаси куни ўйин ўтказишни режалаштиришган эди.

ОФК расмий сайти the-afc.com'да "Бунёдкор" - "Ал Завра" баҳси 22 январь куни "Жар" стадионида бўлиб ўтиши ёзилган. Учрашув соат 14:00га белгиланган.