ОФК мусобақалар қўмитаси қўриб чиққан масалалар
26 ноя 2016 15:48
Янгиликлар

ОФК мусобақалар қўмитаси қўриб чиққан масалалар

БААнинг Ал Айн шаҳрида ОФК Мусобақалар қўмитаси 1 декабрь куни бўлиб ўтадиган Ижроия қўмитаси йиғилишига қуйидаги ўзгаришларни маслаҳат берди.

2018 ЙИЛГИ U-23 ЧЕМПИОНАТИ МЕЗБОНИ

2018 йил 23 ёшгача футболчилардан иборат терма жамоалар учун қитъа чемпионатини ўтказиш истагида бўлган давлатлардан аризалар қабул қилинганди. Қўмита Хитойни чемпионатни ташкил қилишга тавсия қилди. Режага кўра, мусобақа Куншан, Чангшу, Жиангйин ва Чангжу шаҳарларида бўлиб ўтади.

ҚУВАЙТНИНГ ОСИЁ КУБОГИ САРАЛАШИДАГИ ИШТИРОКИ

Футболга ҳукуматнинг аралашуви туфайли Қувайт Осиё ва жаҳон чемпионати бирлаштирилган саралаш баҳсларидан четлаштирилганди. 2017 йилнинг 28 мартидан 2018 йилнинг 27 мартига қадар Осиё Кубоги учун саралаш босқичининг ҳал қилувчи ўйинлари бўлиб ўтади. Осиё Кубоги саралашининг ҳал қилувчи босқичига 18 январь куни қуръа ташланади. Шу сабабли Қувайтни баҳсларга қўйиш-қўймаслик масаласи 18 декабрь санасида аниқ бўлади. Ўша кунга қадар ФИФА Қувайтга белгиланган жазосини олиб ташламаган тақдирда Қувайт терма жамоаси саралаш учрашувларига қўйилмайди.

Ҳавола :

Манба : championat.asia

Янгиликларни Телеграмда ўқинг!

Рейтинг: