ОФК: "Локомотив" 51 бора "подача" қилиб ҳам плей-оффга чиқа олмади"

6 - "Ал Дуҳайл" гуруҳ босқичидаги сўнгги турда "Ал Ваҳда"ни 1:0 ҳисобида таслим этди ва барча 6 учрашувда ғалабага эришиб, 2010 йилдаги "Кашима Антлерс" каби 100 фоизлик натижа қайд этди.

22 - "Жонбук Хюнде Моторс" сўнгги турда "Китчи" дарвозасига уч бора йўл топди ва гуруҳ босқичида 22 гол киритди.

384 - "Персеполис" дарвозабони Алиризо Бейранванд гуруҳ босқичида шунча дақиқа вақт давомида гол ўтказмади. Шунингдек, 5 учрашувда дарвозаси дахлсизлигини сақлаб қолди.

32 - Деян Дамянович ОЧЛдаги ўзининг 32-голини киритди. У турнир тўпурари Ли Донг-Гукдан кичик фарқ билан ортда бормоқда.

51 - "Локомотив" ОЧЛнинг сўнгги турида "Зоб Аҳон" билан учрашувда 51 бора "подача" қилди, бироқ 1:1 ҳисобидаги дуранг қайд этилди. Оқибатда ўзбек жамоалари яна гуруҳдан чиқа олмади.

5 - Шунча жамоа гуруҳ босқичида мағлуб бўлмади - "Ал Аҳли", "Ал Айн", "Истиқлол", "Ал Дуҳайл" ва "Гуангжоу Эверганд".

125 - "Сидней" футболчиси Брендон О`Нил "Шанхай Шенхуа" билан учрашувда шунча бора тўпга тегди. Учрашувда 0:0 ҳисоби қайд этилди.

271 - Лим Сунг Йонг ОЧЛ гуруҳ босқичидаги сўнгги 271-голни урди. Ўтган йили гуруҳ ўйинларида 303та гол киритилганди. Натижа 32тага камайган.