ЎФФ Терма жамоалар марказида навбатдан ташқари йиғилиш бўлиб ўтди

ЎФФ Терма жамоалар маркази барча бўлими бошлиқлари ва миллий терма жамоалар мураббийлари иштирок этган йиғилишда 2014 йилги мусобақаларда иштирок этадиган терма жамоалар олдига қўйилган вазифалар муҳокама қилинди.

Жумладан, барча ёшдаги терма жамоаларнинг муҳим мусобақаларга етарлича тайёргарлик кўришлари учун барча етарли шарт-шароитлар яратилиши, йиғинлар ташкил этилиши ва муҳим мусобақалар олдидан кўпроқ ўртоқлик учрашувлари ташкил этиш борасида режа ишлаб чиқилди. Унга кўра, ЎФФ Терма жамолар маркази халқаро бўлими, терма жамоаларимизнинг мусобақалардаги рақибларини ўрганиш, терма жамоалар учун ўртоқлик учрашувларига рақиб топиш ва улар билан музокаралар ўтказиш ҳақида кўрсатма олдилар.

Йиғилишда шунингдек, республиканинг барча минтақаларида фаолият олиб борадиган барча селекционер мураббийлар ҳам, терма жамоалар учун муносиб номзодларни кузатиши учун режа алоҳида ишлаб чиқилди.

Маълумот учун, Ўзбекистон U-16 терма жамоаси сентябрь ойида Таиландда бўлиб ўтадиган Осиё Чемпионати (U-16) финал босқичид иштирок этса, Ўзбекистон U-19 ёшлар терма жамоаси ўз тоифасида шу йилнинг октябрь ойида Мьянмада ўтказиладиган Осиё Чемпионатида иштирок этиш ҳуқуқини қўлга киритган.

Сентябрь ойида шунингдек, Жанубий Кореянинг Инчеон шаҳрида Осиё Ўйинлари ўтказилади. Мазкур мусобақада 23 ёшгача бўлган футболчилардан иборат Ўзбекистон терма жамоаси иштирок этади.