ЎФФ делегацияси ФИФА Конгрессидаги иштирокини якунлаб Тошкентга қайтиб келди

Эслатиб ўтиш жоиз, ФИФА Конгрессида ЎФФ президенти Мираброр Усмоновга ЎФФ биринчи вице-президенти Сардор Раҳматуллев ва ЎФФ матбуот хизмати бошлиғи Санжар Ризаевлар хамроҳлик қилишди. Уч кишидан иборат Ўзбекистон Футбол Федерацияси делегацияси ФИФА Конгресси доирасида дунё футбол уюшмалари билан учрашиб ўзаро фикр алмашди.

ЎФФ президенти Мираброр Усмонов ташриф доирасида ОФК президенти Шайх Салмон Иброҳим бин Ҳалифа, УЕФА президенти Мишель Платини билан учрашди. ЎФФ Президенти, шунингдек, Япония, Корея, Қатар, Иордания, Арманистон, Грузия каби футбол уюшмаси вакиллари ва раҳбарлари билан учрашди ва фахрий меҳмон сифатида ЖЧ очилиш учрашувини Сан-Паулудаги стадионда кузатди.

Эътиборлиси, 10 июнь куни Ўзбекистон Футбол Федерацияси президенти Мираброр Усмонов ФИФА Конгрессида уюшма президенти Зепп Блаттер томонидан ФИФАнинг махсус «Хизматлари учун» ордени билан тақдирланган эди.