"ЎФАнинг бугунги баёноти бўйича айрим саволлар бор"
28 ноя 2020 17:40
Янгиликлар
"ЎФАнинг бугунги баёноти бўйича айрим саволлар бор"
Биринчидан, агар ҳакамларнинг коррупцион ҳолатларга аралашгани рост бўлса, унда уларга нисбатан жиноий иш очилдими?
Бу ҳақда ЎФА тегишли тергов органларини огоҳлантирдими?
Ахир коррупция кичкина жиноят эмас, “биз ўзимиз қулоғини тортиб қўямиз” дейдиган.
Коррупцияга қарши курашиш агентлиги бу бўйича бирор баёнот берадими?
Иккинчидан, агар ўша ҳакамлар ўйин натижасига таъсир қиладиган қарорлар чиқариш учун келишгани исботланган бўлса, унда ўша ҳакам билан келишиб, “соққасини берган” футбол клуби масъулларига жавобгарлик йўқми?
Ўша ўйин натижалари бекор қилиниб, ҳакамни ўзига оғдирган жамоага мағлубият ёзилмайдими?
Келишилган ўйинлар натижаси бекор қилиниши ортидан турнир жадвалларига ўзгариш киритилмайдими?
Худди Италиядаги каби келишилган ўйинларга аралашган футбол жамоаларининг ўзи жазоланмайдими? 2006/2007 йилги мавсумда Италия футболининг энг йирик вакилларидан бири бўлган “Ювентус” жамоаси келишилган ўйинларга аралашгани учун “Б” серияга тушириб юборилган эди. Биздачи? Бизда кучимиз фақат ҳакамларга етадию, клубларга келганда жазолашнинг ўзбекона методи бўладими?
Ёки ҳакамнинг пора олгани аниғу, лекин кимдан олганини аниқлаб бўлмай қолдими?
Шу саволларга кимдир жавоб берса, хурсанд бўлардик, - деб ёзади Хушундбек Худойбердиев телеграмдаги ўз каналида.
Ўхшаш янгиликлар
championat.asia
А Серия. "Женоа" сафарда "Аталанта" билан дуранг ўйнади. Элдор Шомуродов учрашувда тўлиқ ҳаракат қилди 
Юрген Клопп: “МЮ олдинга қараб “учмоқда”, “Ливерпул”да эса муаммолар бор. Бироқ...”
АПЛ. Марказий ўйинда ғолиб аниқланмади, "Манчестер Юнайтед" пешқадамликни сақлаб қолди
Эшитдик-да. "Пахтакор" ЦСКА, "Эвертон" ва "Монако"да ўйнаган футболчининг трансферидан воз кечди
Фикрлар
Мана шу савол конкретно бўлибди. Агар ҳозирги жазо бўладиган бўлса, ҳакамлар қўрқмасдан яна соққалик ишга аралашишни давом этади. Нима бўпти, 100 млн ёки 90 млн сўм жарима) Кейинги ўйинлардан қоплаб олади:) 5-йил муддат ҳам 1 йил 2 йилга кейинги йили умуман бекор бўлиб кетади.
Воқеалар ривожини кузатамиз...
bitta misol, 2013-2014 yil bo'sa kerak, turkiya kelishilgan o'yinlarni o'zlarini sudida hal qilgani bilan, UEFA bu qarorlarni tan olmagan, o'zlari bu holatdi Sport arbitraj sudi orqali ko'rib chiqib, eskishaharspor ni yevropa ligasidan haydagandi.
meni fikrim shuki, bizda sport sohasi qonunchiligi deyarli yo'q desa ham bo'ladi, davlat yozgan qonunlar ko'p ma'noli, hamma o'ziga moslab talqin qilgan holda suvdan quruq chiqib ketadi. xalqaro qonunchilik bo'yich ish ko'rmaymiz.