ЎФА ҳам "Мактабда футбол" фестивалини ўтказди
10 дек 2023 16:34
Янгиликлар
ЎФА ҳам "Мактабда футбол" фестивалини ўтказди
Бугун 10 декабрь – “Халқаро футбол куни” сифатида дунё бўйлаб барча футболчилар, мутахассис ва мухлислар томонидан кенг нишонланмоқда.
Ўзбекистон футбол ассоциациясида ЎФА раҳбарияти, ёш футболчилар ва уларнинг ота-оналари иштирокида байрам тадбири ўтказилди. Дастлаб ўзбек футболи тарихи, 2023 йилда мамлакатимиз терма жамоалари иштирок этган мусобақалар, юртимиз мезбонлик қилган халқаро тадбирлар акс этган видеороликлар намойиш этилди. Болаларнинг футбол борасидаги билимлари синовдан ўтказилиб, ғолибларга эсдалик совғалар топширилди.
Шундан сўнг ЎФА майдонида футбол фестивали ташкил этилди. “Мактабларда футбол” лойиҳаси доирасида ФИФА томонидан тақдим этилган махсус тўплар топширилди. Ёш футболчилар ЎФА қошидаги футболимиз тарихи музейи билан танишиб, киберфутболда ўз имкониятларини синаб кўришди.
Ўхшаш янгиликлар
championat.asia
Эшакнинг меҳнати ҳалол, ўзи ҳаромми?
Эшитдик-да! Ўзбекистон терма жамоаси Жаҳон чемпионига қарши ўйнайди
Сречко Катанец билан самимий суҳбат. Илк ҳиссиётлар ва саралаш босқичи ҳақида
ЖЧ саралаш учинчи босқич якунлари. Тўртинчи босқич қачон бўлади?
Фикрлар