Одил Аҳмедов: "2011 йил Осиё кубогидан олдин бизга нисбатан ишончсизлик кучли эди"

"Турнир бошланишидан олдин бизга нисбатан ишончсизлик кўпроқ эди. Нима бўлар экан деган ҳаяжон кучли бўлган дея оламан. Майдонга тушгунимизга қадар жуда ҳам қийналганмиз. Боз устига Қатар мезбон, ўша пайт уларда ҳам яхши таркиб шаклланганди. Майдонга тушганимиздан сўнг юзага келган муҳит сабаб ўйнаш иштиёқи юқори даражага чиққан. Марказий ҳимояда ўйнаганим кайфиятимга салбий таъсир қилган омиллардан бири саналарди. Ҳимоячи бўлсам ҳам гол уришимни сезганман. Биринчи бўлим 0:0 ҳисобида дуранг билан тугагач олдинга ўтиш хоҳиши юзага келган десам муболаға бўлмайди. Агар ўша позициямга тўғри келиб қолса фақат тепаман деган фикрда ўйнаганман. Чамаси 30 секундлар тўп назоратини ушладик, тўп менга келган пайт кимдурлар тепма пас бер деди. Лекин ўша пайт диққатим фақат дарвозага қаратилди. Тўпни тепган заҳотим гол бўлишини ҳис қила бошладим, тўп дарвозани ичида эди. Қайсидир маънода бу гол ўзимга ишончимни ошишига ва фаолиятимга ижобий томондан катта таъсир қилди",- дейди Одил Аҳмедов.

Одил Аҳмедовнинг суперголи, Қатарни ўз майдонида мағлуб этган Абрамов ёхуд 2011 йил Осиё кубогидаги тарихни бошлаб берган учрашувга 10 йил бўлди