ОЧЛ. Бугун 5-тур баҳслари давом этади

Бугун эса кун тартибидан яна 8та ўйин жой олган. Дастлаб кечаги учрашувларга эътибор қаратсак. "С" гуруҳида баҳс олиб бораётган "Насаф" ўз майдонида Эроннинг "Персеполис" клуби билан 0:0 ўйнади. Гуруҳдаги иккинчи ўйинда "Ал Садд" БААнинг "Ал Васл" клубини 2:1 ҳисобида мағлуб этди.

Шунингдек, "D" гуруҳида ҳам ўйинлар ўтказилди. Теҳроннинг "Истиқлол" клуби ўз майдонида "Ал Райан"ни 2:0 ҳисобида мағлубиятга учратган бўлса, Саудия Арабистонининг энг номдор клуби "Ал Ҳилол" БААда "Ал Айн"га 1:2 ҳисобида ютқазиб қўйди. Дарвоқе, "Истиқлол" таркибида ҳаракат қилаётган ҳамюртимиз Сервер Жепаров кечаги ўйинда гол уришга эришди.

ОЧЛ. "С" гуруҳи. 5-тур. 2 апрель
"Насаф" - "Персеполис" 0:0
"Ал Садд" - "Ал Васл" 2:1

ОЧЛ. "D" гуруҳи. 5-тур. 2 апрель
"Ал Айн" - "Ал Ҳилол" 2:1
"Истиқлол" - "Ал Райан" 2:0

Бугун Ғарб минтақасида 5-тур ўйинлари ўз якунига етади. Шарқ минтақасида эса энди навбатдаги тур беллашувлари бошланади. Бугун "Локомотив" Абу Дабида "Ал Ваҳда" меҳмони бўлади. "Темирйўлчилар" биринчи баҳсда рақибни йирик 5:0 ҳисобида мағлуб этишганди. Бугун "Локомотив" ўша ғалаба тасодиф эмаслигини исботлашга ҳаракат қилади.

ОЧЛ. 5-тур. 3 апрель
15:00. "Серезо Осака" - "Жежу Юнайтед"
16:00. "Бурирам Юнайтед" - "Гуангжу Эвергранд"
16:00. "Сувон Самсунг" - "Сидней ФК"
17:00. "Шанхай Шенхуа" - "Кашима Антлерс"
19:15. "Зоб Аҳан" - "Ал Дуҳайл"
20:10. "Ал Ваҳда" - "Локомотив"
20:30. "Ал Гарафа" - "Ал Жазира"
21:20. "Ал Аҳли" - "Тракторсози"