ОЧЛ-2022. Марко Станоевич энг кўп зарба берган футболчилар қаторида

Instat маълумотига кўра, Ғарб минтақасида рақиб дарвозаси томон энг кўп зарбани "Ал Дуҳаил" ярим ҳимоячиси Эдмилсон Жуниор йўллади - 29та. Шундан 13таси аниқ бўлди ва 8та гол урди.

Қаршининг "Насаф" клуби ярим ҳимоячиси Марко Станоевич эса жами 25 марта зарба берди ва шундан 9таси аниқ чиқди. Марко 3та гол уришга эришганини биласиз. Ҳусайин Норчаевда бу кўрсаткич 13 (6)ни ташкил этса, Ойбек Бозоровда 11 (6).

Маълумот учун, "Пахтакор" сафида энг кўп зарбани Азизбек Турғунбоев йўллади - 12та, 4таси аниқ.

Осиё чемпионлар лигаси Ғарб минтақасида энг кўп зарба берган футболчилар:
Эдмилсон Жуниор ("Ал Дуҳаил") - 29та зарба, 13та аниқ.
Марко Станоевич ("Насаф") - 25та зарба, 9та аниқ.
Йохан Боли ("Ал Райан") - 21та зарба, 8та аниқ.
Аҳмед Самир ("Ал Виҳдат") - 20та зарба, 6та аниқ.
Салим Ал Давсари ("Ал Ҳилол") - 19та зарба, 7та аниқ.