ОЧЛ-2016. Финалда Жанубий Корея клуби ўйнайди
14 сен 2016 18:52
Янгиликлар

ОЧЛ-2016. Финалда Жанубий Корея клуби ўйнайди

Бугун Осиё чемпионлар лигаси чорак финали доирасидаги битта ўйин ўз якунига етди.

Хитойда "Шандон Луненг" клуби Жанубий Кореянинг "Сеул" клуби билан беллашди. Дастлабки ўйинда "Сеул" ўз уйида 3:1 ҳисобида зафар қучганди.

Бугунги баҳсда 1:1 ҳисоби қайд этилди ва Сервер Жепаровнинг собиқ клуби ярим финалга чиқди.

Кеча шарқий минтақада ярим финалга йўлланма олган дастлабки клуби номи маълум бўлганди. Жанубий Кореянинг "Чонбук Хюндай Моторс" жамоаси икки ўйин натижасига кўра "Шанхай СПИГ" клубини 5:0 ҳисобида ортда қолдирди.

Шундай қилиб, ярим финалда "Чонбук Хюндай Моторс" ва "Сеул" клублари ўзаро тўқнаш келишади.

Ғарбий минтақада ярим финалга чиққан биринчи жамоа номи маълум - "Ал Айн". Иккинчи ярим финалчи бугун бўлиб ўтадиган "Ал Жайиш" - "Ал Наср" (биринчи ўйин 3:0) ўртасидаги ўйиндан сўнг маълум бўлади.

Ярим финал баҳслари 27-28 сентябрь ва 18-19 октябрь кунлари бўлиб ўтади.

Финал 19 ва 26 ноябрь кунларига белгиланган.

Ҳавола :

Манба : championat.asia

Янгиликларни Телеграмда ўқинг!

Рейтинг: +3