Мадридликлар дарвозасини Ян Облак қўриқлади ва бу унинг Ла Лигадаги 200-ўйин бўлди. Посбон бу ўйинлардан 112тасида дарвозаси даҳлсизлигини сақлаб қолган - рекорд кўрсаткич.
"Атлетико" дарвозабонлари орасида фақатгина Абель Ресино Ла Лигада 200лик довонга етиб кеган. У клуб таркибида 243та ўйинда майдонга тушиб, 94тасида дарвозаси даҳлсизлигини сақлаб қолган.
Эслатиб ўтамиз, "Атлетико"нинг 27 ёшли футболчиси дунёнинг энг қиммат дарвозабони (90 миллион евро) ҳисобланади.
Таъкидлаш керакки, Ян Облак жорий мавсум Испания чемпионатидаги 9та ўйинда атиги 2та тўп ўтказиб юборди.
