"Арсенал" клуби ҳужумчиси Пьер-Эмерик Обамеянг АПЛ 16-туридан ўрин олган "Саутгемптон"га қарши учрашув қайдномасидан ўрин олмади.
Жамоа бош мураббийи Микель Артета ушбу ҳолатга изоҳ берди. Маълум бўлишича, футболчи жамоанинг ички тартиб-интизом қоидаларини бузган.
"Бизнинг жамоада баъзи нарсалар муҳокама қилинмайди. Биз бу ҳолатга тўхталмаймиз. Бу оддий масала эмас. Биз бундай маъсулиятсизлик жамоа сардори билан юз беришини хоҳламаймиз", -дейди Микель Артета.
Эслатиб ўтамиз, аввалроқ футболчи жамоанинг жума кунги машғулотларига келмагани ҳақида хабар қилинганди.
