"Sky Sports" ma'lumotiga ko'ra, Barns APL doirasida "Sheffild Yunayted"ga qarshi o'yinda jarohat olgan. Hozircha uning aynan qancha muddatga safdan chiqqani ma'lum emas, ammo eng kami 2 oy u futboldan tashqarida bo'lishi kutilmoqda.
Barns iyul oyida "Nyukasl"ga ko'chib o'tdi va jamoa tarkibida 7 o'yin o'tkazib, 1tadan gol va assistni hisobiga yozdirib qo'ydi. Jamoaning navbatdagi uchrashuv 27 sentyabr kuni Angliya Liga Kubogi doirasida "Manchester Siti"ga qarshi o'tkaziladi.
