"Ноттингем Форест" "Челси" ҳимоячисини сотиб олиш истагида

Инсайдер Низар Кинселланинг таъкидлашича, "Челси" чап қанот ҳимоячиси Эмерсон Палмьери "Ноттингем Форест" шорт-листидан жой олди.

Манбага кўра, "Бетис" аъзоси Алекс Моренонинг трансферидаги муваффақиятсизликдан сўнг "Форест" бошқа вариантларга ўтишга қарор қилган. Эмерсон "ўрмончилар" учун асосий номзодлардан бири ҳисобланади.

Аввалроқ келиб чиқиши бразилиялик бўлган италияликни Маурицио Сарри "Лацио"да кўришни истаганди. Бироқ римликлар бу борада ҳеч қандай таклиф билан чиқишгани йўқ.