Норвегия чемпионатидаги ўйин телефон орқали трансляция қилинди

Норвегия чемпионатини кўрсатиш ҳуқуқига эга бўлган Discovery компанияси турнирнинг биринчи туридаёқ "қовун туширди". "Будё-Глимт" ва "Русенборг" ўртасидаги ўйин Норвегия футболи учун марказий баҳс ҳисобланади, аммо томошабинлар учрашувдан тўлиқ баҳраманд бўла олишмади.

Ўйин давом этаётган бир паллада трансляция узилиб қолди, кейин яна давом эттирилди, бироқ телефон орқали. Кейинчалик маълум бўлишича, телеавтобусда чироқ ўчган ва ходим телефон орқали трансляцияни давом эттирган.