Нўъмон Ҳасанов: “Футболда бундай ҳолатлар кечирилмайди”
16 мар 2018 22:30
Янгиликлар

Нўъмон Ҳасанов: “Футболда бундай ҳолатлар кечирилмайди”

Теглар : Қўқон-1912 Нўъмон Ҳасанов

“Металлург” – “Қўқон-1912” (1:0) учрашувидан кейин ўтказилган матбуот анжуманининг биринчи қисмида меҳмонлар устози Нўъмон Ҳасанов иштирок этди.

- Бекободликларни бугунги ғалаба билан табриклайман. Майдонда тенг кураш кечди. Бугун мезбонлар жасорат кўрсатишиб, битта тўп фарқи билан ғалаба қозонишди. “Металлург”га кейинги баҳсларда омад тилайман. Ўзимизнинг жамоа хусусида гапирадиган бўлсам, гол ўтказиб юборгач, футболчиларимиз ўз позицияларини ташлаб ҳисобни тезроқ тенглаштириш учун бироз шошилиб қолишди. Олдинда кўп вақт борлиги ҳам уларни шундай ўйнашларига сабаб бўлди. Футболда бундай ҳолатлар кечирилмайди. Тўғри улар майдонда бор кучларини бериб ўйнашди. Уларга бу тарафдан эътирозим йўқ. Хатоларимиз устида ишлашни давом этамиз. Энг ёмони мухлисларимизни ранжитиб қўйдик. Ҳали олдинда ўйинлар бор, уларни албатта хурсанд қиламиз, - дейди Нўъмон Ҳасанов.