Нодир Элибоев: "Йигитлар оддийлик, аҳиллик ва самимийлик билан бунга эришишди"

Терма жамоамизда бош мураббий Баҳодир Аҳмедовга мусобақада кўмаклашган Нодир Элибоев сайтимиз мухбирига Жаҳон чемпионати хулосалари ва фикрларини билдирди. 

"Жаҳон чемпионати мутлақо бошқа муҳитдаги мусобақа ҳисобланади. Бу сафарги иштирокимиз олдинги турнирдагидан яхшироқ бўлди, деб ўйлайман. Ҳар бир ўйинда тенгма-тенг, керак бўлса устун ҳам ҳаракат қилдик. Илк турда ҳаяжон сабаб бироз ўйинимиз чиқмади. Кейинчалик йигитлар ўзларини тиклаб олишди. Мақсадимиз гуруҳдан чиқиш эди. Колумбиядаги Жаҳон чемпионатида футболчи сифатида қатнашгандим. Энди эса мураббий. Фикримча четда тургандан кўра ўйинчи бўлиб тўп тепиш осонроқ экан. Йигитлар Литвада характер кўрсата олишганини сабаб уларнинг аҳил эканлигида. Аҳиллик, самимийлик ва оддийлик билан бунга эришишди",- дейди Нодир Элибоев.