Нилуфар Қудратова: "Гол ўтказмасдан чемпион бўлишни кўзлагандик"
20 июл 2022 21:15
Янгиликлар

Нилуфар Қудратова: "Гол ўтказмасдан чемпион бўлишни кўзлагандик"

Ўзбекистон ҳамда Эрон ўртасидаги "CAFA women's championship-2022" мусобақаси финал баҳси бўлиб ўтди.

Учрашувдан кейин кетма-кет 3-ўйинда ўйиннинг энг яхши футболчиси деб топилган термамиз сардори Нилуфар Қудратова фикрлари билан ўртоқлашди.

"Ғалабамиздан жуда хурсандман. Ўзбекистон ҳалқини бу билан табриклайман. Юқори мақсадлар билан келгандик. Гол ўтказмасдан чемпион бўлишни кўзлагандик. Худога шукрки, бунга эришдик.
Ўйин яхши ўтди. Эрон муносиб рақиб эди. Шошма-шошарликка йўл қўйганимиз учун кам гол бўлди. Бизни қўллаб-қувватлаб турган барча мухлисларга ташаккур!
Ушбу кубок олдиндан бизники бўлиб келган, бундан кейин ҳам шундай бўлиб қолади деган умиддаман", – деди Қудратова.

Маълумот ўрнида, аёллар терма жамоамиз мусобақа давомида умуман гол ўтказмади.