Неймар фаолиятини А Серияда давом эттириши мумкин

Манбанинг хабарига кўра, Туриннинг "Ювентус" клуби бразилиялик суперюлдузнинг трансферини кўриб чиқмоқда.

"Кекса синьора" Неймар ва ПСЖ раҳбарияти ўртасидаги чигал муносабатлардан хабардор, шу боис клуб вазиятни диққат билан кузатиб бормоқда. Бразилиялик футболчининг ўзи "Парк де Пренс"ни тарк этиб, клубини ўзгартиришга қарши эмас.

Аввалроқ ПСЖ раҳбарияти Неймардан қутулмоқчи экани ҳақида хабарлар тарқалганди. Клубга бразилиялик футболчининг турмуш тарзи ёқмайди. Бундан ташқари, ярим ҳимоячи февраль ойида 30 ёшни қарши олади.