– Бугунги ўйин ҳақида фикрларингизни билдириб ўтсангиз.
– Умуман олганда, жуда қизиқарли ўйин бўлди. Ўз майдонимизда Фарғонанинг яхши шаклланган жамоасига қарши тўп тепдик. Бизни қўллаб-қувватлаган мухлисларга миннатдорчилик билдираман.
– Бугунги қийин кечган ўйинда футболчиларнинг сўнгги дақиқалардаги концентрацияси қай даражада бўлди?
– Алмаштиришларни кўрган бўлсангиз, иккинчи бўлим оғир ўтди. Марказий зонада хатолар кўп бўлди. ФарДУнинг вазиятлари анча хавфли тус олди.
– Марк Краснов бугун ўйинга қўшилмади. Бунга қандайдир сабаб борми? У кейинги ўйинларда асосий таркибда майдонга тушадими?
– Йўқ, у тайёр эмасди. Кеча ўзи келиб, 10-15 дақиқага тайёрман, деб айтган эди. Бугун кўрдингиз, яккама-якка вазиятда пас берди. Маркка раҳмат айтмоқчиман.
