«Нефтчи»нинг янги матбуот гуруҳи тасдиқланди
30 дек 2015 14:52
Янгиликлар

«Нефтчи»нинг янги матбуот гуруҳи тасдиқланди

Теглар : Нефтчи

30 декабрь куни “Нефтчи” ПФК қароргоҳида жамоа раҳбарияти иштирогида кичик йиғилиш бўлиб ўтди.

Йиғилишни олиб борган клуб раиси Салимжон Зокиров “Нефтчи”нинг янги матбуот хизмати гуруҳини маълум қилди. Кўплаб мухлисларнинг талаб ва истакларига кўра, матбуот хизматига раҳбар этиб узоқ йиллардан буён журналистика соҳада фаолият олиб бораётган Баҳодир Эргашев тайинланди. Шунингдек, гуруҳ таркибидан “Рухсор” ТРК мухбири, ёш ижодкор Ҳожиакбар Жабборов ўрин олди. Клубда 3 йилдан буён фаолият олиб бораётган тасвирчи Рустам Мелибоев ҳам ушбу гуруҳнинг вакили сифатида тасдиқланди.

Умид қиламизки, бу хабар Янги йил байрами арафасида жамоа мухлисларини қувонтиради. 2016 йилнинг илк ойидан бошлаб матбуотда “Нефтчи” ПФКга оид сўнгги хабарлар билан танишиб боришингиз мумкин.

Кириб келаётган Янги йилингиз муборак бўлсин! Янги 2016 йил севимли жамоамиз “Нефтчи” учун муваффақиятларга бой бўлсин.

“Нефтчи” клуби матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +1