"Нефтчи" ва Мўминжонов Тошкентда йиғинни бошлади. Таркиб кучайтирилишда давом этади

Бош мураббий Илҳом Мўминжонов дастлабки йиғин чоғида асосий эътиборни селекция ишларига қаратмоқда. "Нефтчи"нинг илк ўқув машғулот-йиғинига ўтган мавсум "Сурхон" шарафини ҳимоя қилган дарвозабон Акбар Тўраев ва ярим ҳимоячилар Аъзам Алиев билан Шерзод Каримов келиб қўшилган. "Навбаҳор"дан эса ўнг қанот ҳимоячиси Тоҳир Шамситдинов йиғинда иштирок этмоқда. Шунингдек 2020 йил "Андижон" жамоасида тўп тепган Абдуллоҳ Олимов ҳам янги мавсумни "Нефтчи"да бошлаши кутилмоқда.

Шунингдек, "Насаф"нинг иқтидорли посбони Машҳуржон Муҳаммаджонов ҳам фарғоналиклардан тушган таклифни қабул қилган. Айтишларича бу бошланаши. Бугун таркибга Суперлига клубларидан яна бир нечта футболчилар келиб қўшилиши кутилмоқда. 

“Нефтчи” мураббийлар штабида катта ўзгаришлар. Шораҳмедов ва Раҳматуллаев Фарғонага келадими?