“Нефтчи” – “Қизилқум” ўйини соат 14:00да бошланади

 Айни пайтга келиб “Истиқлол” стадионида бўлиб ўтадиган ўйиннинг бошланиш вақтлари маълум бўлган. 17 ноябрь куни ўтказилинадиган беллашув соат 14:00да бошланади. Учрашувда фарғоналиклар яшил рангдаги спорт либосларида ҳаракат қилишади. “Қизилқум” вакиллари эса оқ рангдаги формада майдонга чиқишади.

Одатга кўра, ўйиндан бир куни аввал “Нефтчи” – “Қизилқум” жамоаларининг ўринбосарлар таркиби Қиргулида ўзаро беллашишади. Ёшлар лигаси доирасидаги баҳс ҳам соат 14:00га белгиланган.

Эслатиб ўтамиз,  мазкур ўйин “Нефтчи”нинг жорий мавсумдаги сўнгги уй ўйини ҳисобланади. Андрей Фёдоров шогирдлари 30-турда “Металлург”га қарши ўйин орқали мавсумни якунлашади.