Тўғри, кеча жамоа Навоийда "Қизилқум" билан дуранг ўйнади ва буни сафардаги ижобий натижа деса бўлади. Агар ўйин охирида Артур Геворкян пенальтидан унумли фойдаланганида фарғоналиклар ютқазиб қўйишлари турган гап эди.
Лекин умумий ҳисобда "Нефтчи" Суперлиганинг иккинчи босқичидаги охирги бешта ўйинда юта олмади. Баҳром Ҳайдаров шогирдлари 26-турда уйда "Қизилқум"ни 3:1 ҳисобида мағлуб этишганди. Шундан сўнг "Қўқон-1912", "Насаф" ва "Сўғдиёна" билан кечган беллашувларда имкониятни бой берди. АГМК ва "Қизилқум" билан эса дуранг қайд этилди.
