"Нефтчи": Муроджон Исмоилов - “Нефтчи” бош мураббийи, Мемет ишдан кетди

Бугун жамоа базасида “Нефтчи” ПФК бошқарув кенгашининг йиғилиши бўлиб ўтди. Клуб раҳбарияти, мураббийлар штаби ва футболчилар  иштирок этган мажлисда  шу кунга қадар “Пахтакор”  бош мураббийи лавозимида ишлаб келган Муроджон Исмоилов расман “Нефтчи” бош мураббийи этиб тайинланди. “Нефтчи” маслаҳатчи мураббийи Амет Мемет билан эса хайрлашилди.

Жамоадаги янгиликларга келсак, бугунги машғулотда нигериялик ҳимоячи Дэвид Ония, Сардор Қобулжонов иштирок этишди. Шунингдек, Игорь Таран ҳам бугун клуб базасига келди.

Шавкат Раимқулов, Дэвид Ония, Сардор Қобулжонов, Жаҳонгир Меҳмонов, Игорь Таранлар билан шартнома имзоланди. Эртанги машғулотда Рўзимбой Аҳмедов, Александр Шадрин, Жаҳонгир Меҳмонов, Максимилиан Фомин қатнашиши кутилмоқда.