"Нефтчи" ҳаворанг, "Бунёдкор" кўк рангли футболкада ўйнайди
16 мар 2018 23:45
Янгиликлар

"Нефтчи" ҳаворанг, "Бунёдкор" кўк рангли футболкада ўйнайди

Бугун "Истиқлол" стадионининг мажлислар залида Суперлига 3-тур доирасида бўлиб ўтадиган “Нефтчи” - “Бунёдкор” учрашуви олдидан ҳар иккала клуб расмийлари иштирокида ананага кўра йиғилиш ўтказилди.

Ушбу йиғилишни ПФЛ вакиллари С.Эрматов ва Ш.Ражабовлар олиб боришди.

Унда эртага бўлажак учрашувдаги ташкилий масалалар кўриб чиқилди ва бажарилиши зарур бўлган масалалар белгилаб олинди.

Йиғилиш сўнггида эртанги “Нефтчи” - "Бунёдкор" учрашувида жамоалар қандай либосларда майдонга тушиши ҳақида ҳам ўзаро келишиб олинди.

Демак, эртага “Нефтчи” футболчилари мовий рангли либосларда майдонга тушади. “Бунёдкор” жамоаси футболчилари эса тўқ кўк рангли либосларда майдонда ҳаракатланадилар.

Эслатиб ўтамиз, “Нефтчи” - "Бунёдкор" учрашуви эртага марказий “Истиқлол” стадионида соат 18:00 да бошланади.

Учрашувдан аввал эса хуш овоз хонандалар ижросида маданий ва бадиий концерт дастури бўлиб ўтади!