"Нефтчи": Достон Турсунов Ереванга жўнаб кетди
09 июн 2014 14:02
Янгиликлар

"Нефтчи": Достон Турсунов Ереванга жўнаб кетди

Хабарингиз бўлса керак, Ўзбекистон (U-19) ёшлар терма жамоаси навбатдаги йиғинни Арманистон пойтахти Ереванда ташкил этишни режалаштирганди.

Катта мураббий Илҳом Мўминжонов бошчилигидаги мазкур терма жамоамиз режага кўра бугун Ереванга жўнаб кетди.

Эътиборлиси ушбу йиғинга “Нефтчи” аъзоси Достон Турсунов (33-рақам) ҳам таклиф этилган. Истеъдодли ҳимоячи бунгача ҳам ёшлар терма жамоамизнинг деярли барча йиғинларида иштирок этиб келаётганди. Мураббийлар штаби Достонни навбатдаги хориж йиғинига ҳам таклиф этган. Шу боис Турсунов бугун терма жамоамиз делегация билан бирга Ереванга жўнаб кетди.

Айтиш жоизки, ушбу йиғин давомида ёшларимиз иккита синов-назорат баҳсида майдонга тушади. Ўйинлар 12-14 июнь кунлари бўлиб ўтиши режалаштирилган. 16 июнда эса терма жамоамиз юртимизга қайтиб келади.

Эслатиб ўтамиз, Ўзбекистон U-19 ёшлар терма жамоаси октябрь ойида Мьянмада ташкил этиладиган ёшлар ўртасидаги Осиё чемпионати баҳсларига тайёргарлик кўрмоқда.

Мусобақа финал босқичида Ўзбекистоннинг ёш футболчилари «В» гуруҳида Австралия, БАА ва индонезиялик тенгқурларига қарши баҳс олиб боради.

Ҳавола :

Манба : fcneftchi.uz

Янгиликларни Телеграмда ўқинг!

Рейтинг: