Наврўз Олимов: "Келгуси йиғинларга ҳам таклиф олиш учун ўз устимда ишлашни тўхтатмайман"

- Албатта, ҳар бир футболчи сингари мен ҳам миллий терма жамоага таклиф этилганимдан хурсандман, - дея гап бошлади Олимов. - Яратган эгам буни давомли қилишини сўраб қоламан. Баъзида ҳар қандай ишни ҳам биринчиси омадсиз кечди кейинчалик ҳаммаси яхши бўлади. Дебют ўйинимиз мағлубият билан якунланди. Илоҳим кейинги сафар ғалабалар билан мухлисларимизни хурсанд қилиш насиб қилсин.

- Уммонга қарши ўтказган биринчи баҳсимиз Олмалиқда кечиб, тўғриси илк учрашувда ҳаяжон босди. Чунки миллий терма жамоада ҳар қандай футболчини дебют ўйинда унинг салобати босади. Боз устига мен биринчи ўйинда 20 дақиқа майдонда ҳаракат қилдим холос. Унда ўзимни тўлиқ кўрсата олмадим.

- Менга кўпроқ "Жар"да кечган иккинчи ўйинимиз ёқди. Бу учрашувда кўпроқ ўйнаш имкониятига эга бўлдим.



- Умуман олганда терма жамоада ҳаммаси яхши. Барча футболчилар бир-бирлари билан аҳил-иноқ. У ерда мен асосан Элдор Суюнов, Даврон Ҳошимов, Владимир Козак сингари ўз тенгқурларим билан бўлдим.

- Насиб қилса энди келгуси йиғинларга таклиф олиш учун ўз устимда ишлашни тўхтатмайман. Ҳаммаси ўзимга боғлиқ эканлигини жуда яхши тушуниб турибман.

- "Қизилқум"даги ишларим чакки эмас. Бу ерда ҳам ажойиб клуб шакллантирилган.


Исломбек Рустамбеков суҳбатлашди.