"Навбаҳор" Туркияда Польша клуби билан дуранг ўйнади
17 фев 2019 10:37
Янгиликлар

"Навбаҳор" Туркияда Польша клуби билан дуранг ўйнади

Ўқув-машғулот йиғинини Туркиянинг Анталия шаҳрида ўтказаётган “Навбаҳор” клуби сўнгги назорат баҳсини 16 февраль куни Польша Про-лигаси вакили “Сталь” (Мелец) жамоасига қарши ўтказди.

Таъкидлаш жоизки, мазкур ўртоқлик учрашувида польшаликлар 1:0 ҳисобидаги ғалаба билан чиқиб кетишганди. Иккинчи бўлимда захирадан майдонга туширилган Баҳодир Насимов “Сталь” дарвозасини аниқ нишонга олиб, мувозанатни тиклади ва якуний ҳисобнинг 1:1 кўриниш олишини таъминлади.

Мазкур ўйинда “лочинлар” устози Андрей Канчельскис майдонга қуйидаги футболчиларни туширди: Ўткир Юсупов, Обид Жўрабоев, Игорь Голбан, Ғиёс Комилов, Ҳожиакбар Юнусов, Шаҳзод Шайманов, Азим Аҳмедов, Жасур Азимов, Зафар Тўраев, Иван Соловьёв, Александр Касьян.
Захирадан майдонга тушганлар: Баҳодир Насимов, Абдужамол Исроилов, Мирзоҳид Ғофуров.

Наманганликлар Туркиядаги йиғинни бугун ўз якунига етказиб, юртимизга қайтишади.