“Навбаҳор” ПФК раҳбариятида ўзгариш юз берди
24 июн 2025 01:54
Янгиликлар

“Навбаҳор” ПФК раҳбариятида ўзгариш юз берди

Кеча Наманган шаҳар, Давлатобод туманидаги "Навбаҳор" уй учрашувларини ўтказадиган "Марказий" стадионида йиғилиш бўлиб ўтди.

Уни Наманган вилояти ҳокими, вилоят футбол ассоциацияси президенти Шавкатжон Шокиржанович Абдураззоқов олиб борди.

Йиғилишда ташкилий масала кўрилди. Шу кунгача “Навбаҳор” ПФК вице-президенти сифатида фаолият юритган Отабек Арифович Саматов "Навбаҳор" футбол академияси бошқарув тизимига ўтказилди ва "Навбаҳор" жамоасининг селекция масалалари билан шуғулланадиган бўлди.

Шундан сўнг, Наманган вилояти ҳокими Шавкатжон Шокиржанович клубнинг янги раҳбарларини таништирди. Унга кўра, Наманган шаҳар Давлатобод тумани ҳокими Анваржон Тожимирзаев “Навбаҳор” ПФК президенти, Наманган вилояти Спорт бошқармаси бошлиғи вазифасида фаолият юритаётган Акрамжон Дедабаев клуб вице-президенти этиб тайинланишди.

Вилоят ҳокими клубнинг янги раҳбарларига “Навбаҳор”даги фаолиятида омад тилади.

Ҳавола :

Манба : "Навбаҳор" матбуот хизмати

Янгиликларни Телеграмда ўқинг!

Рейтинг: +6