"Навбаҳор": Камерун, Нидерландия, Украина ва россиялик олти легионерга жавоб берилди
13 янв 2020 20:28
Янгиликлар

"Навбаҳор": Камерун, Нидерландия, Украина ва россиялик олти легионерга жавоб берилди

Хабар берганимиздек, 12 январь куни “Навбаҳор” аъзолари Про-лига вакили Яйпаннинг “Турон” жамоасига қарши ўртоқлик учрашуви ўтказишди.

Мазкур ўйинда наманганликлар устози Андрей Антанасович Канчельскис асосан кўрикдан ўтаётган легионерлар ва айрим маҳаллий футболчиларни майдонга тушириб, уларни синовдан ўтказди.

Мазкур ўйиндан сўнг, Андрей Антанасович бир қатор хорижлик ҳамда маҳаллий ўйинчиларга жавоб беришга қарор қилди.

Шу тариқа, “Навбаҳор” кўригида бўлган легионерлардан камерунлик Мбасси Эммануэль Риккардо, россиялик Алексей Курилов, Станислав Ефимов ва Буньямудин Мустафоев, нидерландиялик Нельсон Грегори Жаррелд Мартлалес ҳамда украиналик Дмитрий Скоблов, шунингдек, айрим маҳаллий футболчиларга жавоб берилди.

Шу тариқа, “лочинлар” ихтиёрида кўрикдан ўтаётган 3 нафар хорижлик ўйинчи – хорватиялик Вилим Посинкович, россиялик Артём Шербак ва озарбайжонлик Фуат Байрамов қолишди.

“Навбаҳор” ПФК матбуот хизмати.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: +7