"Навбаҳор" бош мураббийи: "Юнайтед"га "Ферги-тайм" қайтмоқда"
07 мар 2019 17:43
Янгиликлар

"Навбаҳор" бош мураббийи: "Юнайтед"га "Ферги-тайм" қайтмоқда"

"Манчестер Юнайтед" собиқ футболчиси, айни дамда Наманганнинг "Навбаҳор" клубини бошқараётган Андрей Канчельскис "қизил иблислар"нинг ПСЖни мағлуб этгани ҳақида фикр билдирди.

Инглиз клуби Чемпионлар лигасининг 1/8 финал жавоб ўйинида парижликларни 3:1 ҳисобида мағлуб этиб, кейинги босқичга чиқди.

"Юнайтед"да кўплаб буюк ғалабалар бўлган, кечаги ўйин ҳам шундайлардан бири. Бу муваффақият клуб, мухлислар, футболчилар ва Сульшерга ижобий таъсир қилади. Омадсиз стартдан сўнг жамоа ўзига кела бошлади.

Қайсидир маънода "Ферги-тайм" қайтмоқда. Эмблемага бўлган муносабат сезиляпти. Футболчилар энди пул эмас, клуб учун ўйнашмоқда. Аммо "Юнайтед" яқин вақт ичида инглиз футболида асосий грандга айланмаса керак. Ҳаммасини вақт жой-жойига қўяди.

"Манчестер" таваккал қилиб, Сульшер билан шартнома тузиши лозим, ҳар доим машҳур номларни танлаш тўғри эмас. Мойес Англияда жуда машҳур ном, бироқ натижа яхши бўлмади. Ван Гал ва Моуринью даврида ҳам шундай, аммо ҳозиргидек чиройли футболни анчадан бери кўрмаган эдик" - дейди Канчельскис.

Ҳавола :

Манба : Championat.com

Янгиликларни Телеграмда ўқинг!

Рейтинг: +41