"Пантера" "Сантьяго Бернабеу"га қайтганидан хурсанд
27 ноя 2019 13:44
Янгиликлар

"Пантера" "Сантьяго Бернабеу"га қайтганидан хурсанд

ПСЖ дарвозабони Кейлор Навас Чемпионлар лигаси гуруҳ босқичининг 5-турида "Реал"га қарши ўтган ўйин (2:2) ҳақидаги фикрлари билан ўртоқлашди.

"Бизга жуда кучли ва буюк жамоа қаршилик қилди. Биринчи бўлимда ўйинга киришиб кета олмадик. Бирор нарсани ўзгартириш эҳтиёжи бор эди. Таъкидлаш жоизки, ҳозир жамоамизда руҳият ва ҳамжиҳатлик энг юқори даражада.

Бу ерга қайтиб келиш, Мадрид аҳли томонидан бундай кутиб олинишим ва жуда ажойиб хотиралар қолган стадионда ўтказган ўйинимдан жуда хурсандман", - дейди Навас.

Кейлор Навас "Реал" сафида 2014 йилдан 2019 йилгача ўйнаган. Мадрид клуби ва ПСЖ аллақачон Чемпионлар лигаси плей-офф босқичига йўлланма олишди. Француз клуби "А" гуруҳида 5 ўйинда 13 очко тўплаган бўлса, "Реал" 8 очкога эга бўлди.

Ҳавола :

Манба : uefa.com

Янгиликларни Телеграмда ўқинг!

Рейтинг: +17