Навас фаолиятини "Севилья"да тугатмоқчи
20 фев 2015 18:40
Янгиликлар

Навас фаолиятини "Севилья"да тугатмоқчи

"Манчестер Сити" ярим ҳимоячиси Хесус Навас фаолиятини тугатиш учун "Севилья"га қайтишни орзу қилмоқда.

2013 йил ёзида "Сити" Испания терма жамоаси аъзосини "Севилья"дан 15 миллион фунт эвазига сотиб олганди. Шундан буён Хесус Англия клубида 82та ўйин ўтказди.

29 ёшли Навас бу мавсумда Мануэль Пеллегрини жамоасининг муҳим футболчиларидан бири ҳисобланади. Бироқ Хесус ўз ватанига қайтишни ўйламоқда.

"Фаолиятимни "Севилья"да тугатсам яхши бўларди. Бу клуб менга кўп нарса берган ва футболчиликдаги сўнгги ўйинларимни айнан ўша ерда ўтказишни истайман. Бу мавсумда "Севилья"да Европа чемпионлар лигасига йўлланма олиш имконияти бор, аммо бу жуда қийин бўлади", - дейди Навас Marca нашрига.

Ҳавола :

Манба : championat.com

Янгиликларни Телеграмда ўқинг!

Рейтинг: