Наваф Шукрулла Ўзбекистоннинг қайси ўйинларида ишлаган?
09 янв 2015 10:29
Янгиликлар

Наваф Шукрулла Ўзбекистоннинг қайси ўйинларида ишлаган?

Хабарингиз бор, Ўзбекистон ва КХДР ўртасидаги ўйинда баҳрайнлик Наваф Шукрулла бошчилигидаги ҳакамлар ишлашади.

Ушбу ҳакам Ўзбекистоннинг турли ёшдаги терма жамоалари иштирокидаги ўйинларда фаолият юритган.

2010 йилги U-16 Осиё Чемпионатида гуруҳ босқичида Иорданияга қарши ўйинда (0:0) ва ярим финалда Австралия билан баҳсда (2:1) айнан Шукрулла ишлаган.

2011 йил Қатарда ўтган Осиё Кубоги гуруҳ босқичи доирасидаги Қувайтга қарши ўйинда вакилларимиз 2:1 ҳисобида зафар қучишган. Ўша учрашувни баҳрайнлик ҳакам бошқарган.

2014 йил U-19 Осиё Чемпионатида гуруҳ босқичида Равшан Ҳайдаров бошчилигидаги жамоамиз Австралия билан дуранг ўйнаган (1:1) учрашувда Шукрулла футболчиларнинг қоидага амал қилишини кузатиб борган.

Осиё Кубоги саралаши доирасидаги Гонгконг билан учрашувда ҳам айнан шу ҳакам фаолият олиб борган. Ўша баҳсда вакилларимиз 2:0 ҳисобида ғалаба қозонишган.

Нарзулла Сайдуллаев

Ҳавола :

Манба : championat.asia

Янгиликларни Телеграмда ўқинг!

Рейтинг: